1997an sortua, San Martin jatetxe-erretegia Gipuzkoako kostaldeko toki pribilegiatu batean dago. Aparte dagoen etxe bat da, XVI. mendeko euskal eraikin tipikoetan inspiratua.

Bi jangela ditu; bat 100 lagun hartzeko adinakoa eta bestea, begiratoki eder batekin, 50 lagunentzat. Bietatik itsasoa eta mendiak ikusten dira; ikuspegi ezin ederragoa dute.

San Martineko sukaldaritza euskal kostaldeko sukaldaritza tipikoa da: lehen mailako produktuak eskaintzen ditu eta bere oinarria egur-ikatzez egindako parrilla da.

Gure espezialitatea parrillan erretako arrainak dira, gure haztegiko mariskoekin batera. Nabarmentzekoak dira Tarifako bisigua eta erreboilo basatia, ganbak plantxan eta bertako abakandoa.

Denboraldiko produktuak ere asko zaintzen ditugu: onddo beltzak plantxan, baba freskoak…

San Martin jatetxe-erretegia Euskal Herriko baserri inguruan dago. Orioko herrian (5000 biztanle) dago, herrigunetik 800 metrora.
Erretegitik 50 metrora Tourseko San Martin ermita dago (XV. mendekoa), eta horri zor dio izena. Ermita hori Kostaldeko Done Jakue Bidean dago eta, beraz, toki garrantzitsua zen (eta da) erromesentzat.

Orioko herriak arrantzale tradizio handia du. Bizkaiko golkoko azken balea, esate baterako, Orioko arrantzaleek harrapatu zuten.